Monday 27 June 2011

ఒక తిక్కవెధవ మరణం


ప్రతి మనిషికీ ఒక ఆనందం వుంటుంది. రోజూ పొద్దున్నే టీ త్రాగుతూ న్యూస్‌పేపర్ చదువుకోవటం నాకున్న ఆనందాల్లో ఒకటి. కానీ కొన్నివార్తలు నాకర్ధంకావు.  

'భార్య పుట్టింటికి వెళ్ళి తిరిగి కాపురానికి రావట్లేదనే నిరాశతో ఒక యువకుడి ఆత్మహత్య!' 

భార్య పుట్టింటి నుండి తిరిగి రాకపోతే చావడమేమిటి! వీడేవడో బుర్రతక్కువ్వాళ్ళా వున్నాడు. ప్రపంచంలో రొజురోజుకీ పిచ్చెదవలు పెరిగిపోతున్నారు. 

కొంతమంది తిక్కవెధవలంతే, ఎప్పుడేం చెయ్యాలో తెలీదు. వీడెవడో పండగ చేసుకోవాల్సిన సందర్భంలో ఆత్మహత్య చేసుకున్నాడు. వీడి ఆత్మ పైకెళ్ళగానే - అక్కడి భార్యాబాధితసంఘ పిశాచాలన్నీ వీడు చేసిన బుద్ధి తక్కువ పనికి పీక్కుతింటాయేమో!