"ఉరే సుబ్బిగా! ఎప్పుడూలేంది ఇయ్యాల పొద్దుగూకులు బజార్లెంట బొచ్చెపోలీసులు తిరుగుతా వుండారేందిరా?"
"వార్నీ! నీకింకా తెలవదా? తెలంగాణా ఇచ్చేసారుగా."
"తెలంగాణానా! అంటే యేంది?"
"సోనియాగాందీ మన్దేసాన్ని నిలువునా సీల్చేసి తెలంగాణా ఇచ్చేసింది. ఐదరాబాదుని మనకాణ్నించి ఇడగొట్టింది."
"ఐదరాబాదా! అంటే యేంది?"
"ఐదరాబాదంటే రాజదాని నగరం. మన పెద్దోళ్ళు ఆల్డబ్బులన్నీ తీసుకెళ్ళి ఆడ పెట్టారంట. ఇప్ప్డడా తెలంగాణావోళ్ళు అయ్యన్ని నూకి మన్ని ఎనక్కి పంపించేస్తన్నారు."
"లాక్కోరు"
"ఆపరేసినీ కారుడు?"
"ఆరోగ్యస్రీ కార్డా? లాక్కోరు."
"కూల్డబ్బులు తగ్గిస్తారా?"
"అయ్యెందుకు తగ్గిస్తారు. తగ్గీరు."
"మరి నా డొక్కు సైకిలు?"
"దాన్నెవడు తీసుకుంటాడ్రా పిచ్చనాయాలా! దానికసలు సైనే సరీగ్గా లేదు!"
"ఓసోస్. పిచ్చనాయాలువి నువ్వేరా! నీదంతా అత్తిరిబిత్తిరి యవ్వారం. బొచ్చెపోలీసుల సంగతేందిరా అనడిగితే ఏందో తెలంగాణా అంటావు, ఐదరాబాదంటావు. మళ్ళీ మనయ్యన్నీ మనకాడే ఉంటయ్యంటావు. తెలీకపోతే తెలీదని సెప్పు. అంతేగానీ యెదవ కబుర్లు సెప్పమాక."
"నీయమ్మ నీతో మాట్టాడితే మెంటలెక్కుద్దిరా బాబూ! అరేయ్ ఎవుడ్రా అక్కడా? కూసింత ఆగండి.. నేనూ వస్తన్నా. జై సమైక్యాంద్రా!"
(photo courtesy : Google)